طريقتي في تظليل البشره ؟؟!!

السلام عليكم

الموضوع اليوم بيكون عباره عن طريقه رسمي و تظليلي والأدوات الي استخدمتها في اخر عمل لي 

بشكل سريع ما ابي أطول عليكم بقولكم قصه هالرسمه ..... هي في الأصل رسمه لمسابقه لكن للأسف ما حالفني الحظ بالفوز

لكن كانت هالرسمه تحدي كبير بالنسبه لي لان كان فيها كمية تفاصيل مو طبيعية لكن استمتعت و انا ارسمها

و يلااااا نبتديي ...... :) 

الأدوات :

 أقلام التظليل ...... بالنسبة لي هالاقلام جماااااالل احبهم اكثر من الفايبر كاسل لونهم عالورق واضح

استخدمت في رسمتي هذي : قلم 6b + 5b + 4b + 2h + h

طريقة تظليلي بهالاقلام سهلة .... 

 1 - اخذ القلم و بشكل خفيف ارسم دوائر صغيره فاتحهههه  ابدا لاتغمقووون

 2 - بعدها اخذ المدعكه او البلندر وادمج الدوائر بشكل خفيف

ملاحظه : ابداا لا تضغطون على القلم اذا تبون لون غامق او تظليل غامق مجرد انكم تسون الطريقه الي كتبتها فوق عده مرات يعني كذا مره ارسموا دوائر و ادمجوهم  وعيدوا الحركه ليما توصلون للون الي تحتاجونة... وبس :)



                                                           

صوره للبلندر او المدعكه



بعد ما اظلل بالاقلام استخدم بودرة الرصاص عشان الأماكن الغامقة الي في الوجه و تكون مساحاتها شوي كبيره 

هالشيييييي عجييييب  مهما ظللت بالاقلام ما اقدر استغني عن البودره تعطي ملمس شبيه بالبشره مادري شلون اشرح لكن احبهاا و احس ان الرسمه ما تكتمل اذا ما استخدمتها

جربوهاا وراح تفهمو شعوري ..... أي صح استخدموها بالفرشه بشكل خفيف ولا تاخذوا كميه كبيره مره وحده اخذوا كميله قليله وراح تكفي وتزيد

الشي الأخير بالنسبه للتظليل هو هذا القلم استخدمه للاماكن الغامقه او السوده لان لونه غامقققققق 

والدرجه اللي عندي هي 6b اذا تبون اغمق اخذوا 8b 

وصلنا لمرحله التفاصيللللللل و اللي تعتبر من اصعب و اتعب المراحل ههههههه معاناه

المهم..... عشان تحصلوا على ملمس البشره المتجعده او الي فيها مسامات كثيره استخدموا المحايه الكبيره ( الزرقه / الالكترونيه )

+

المحايه المونو mono ...... راح تعطيكم نفس النتيجه

اما المحايه البنفسجيه و العجينه استخدمهم لتخفيف الظل او اظهار مناطق النور في البشره

صور أوضح  و اقرب لتظليل البشره

طبعا ما انسى السبريسو الي عدل المزاججج

هههههههههههههه :)

و أخيرا أتمنى ان الموضوع كان خفيف و استفتوا منه

وبااااي

نلتقي بموضوع جديد ..... ورسمه جديده

تقدرون تجوفون كل اعمالي و رسوماتي كلها في الانستقرام

@jannat200