اليوم الموضوع شوي بعيد او مختلف عن الرسم هههه لا فيه رسم او ممكن نقول ابداع أفكار خيال
بدايتاا مادري اذا لاحظتوا ان المدونه مقسمه لعدة اقسام منها قسم الكتب او books
فهالمضوع مدرج تحت هالقسم ...
و خلونا نبتدي
نبذه عن الكتاب : كتاب عنوانه wreck this journal بمعنى دمر او خرب هذا الكتاب
كتاب انجليزي في كل صفحه راح تلقى سؤال يامرك بانك تسوي الشغله المطلوبه
ليش قاعده أتكلم عن هالكتاب ؟
لانه يخص الرسم او الفن .... و انت تقرا كل صفحه و تحاول انك تشتغل و تسوي اللي يطلبه
شغل مخك ابداعك خيالك و خل الصفحه تنط من الكتاب من كثر الابداع اللي فيها
احين راح احط كذا صفحه اشتغلت فيهم و حبيت اراويكم ابداعي هههه ...
أي صح في شغله مهمه نسيت اوضحها ... مثل ما انتو جايفين شنو عنوان المضوع
(( اول حلقه من مسلسل wreck this journal ))
في سؤال يمر في بالكم حلقه ... مسلسل
ههههههه حبيت شوي اغير جووو اشدكم للموضع راح اسوي كذا موضوع
بنفس العنوان
شنو يعني ؟
يعني اني راح اشاركم ابداعاتي و افكاري في كل صفحات الكتب ان شاء الله او معظمهم على حسب وقتي
لاني للأسف مشغوله جداا :(
بسم الله نبتدي بصوره لأول صفحه ...
هالصفحه مو طالبين غير ان نكتب أي رقم نبتدي فيه اول صفحه من الكتااب
بس انا حبيت اني ابدع :)
استخدمت اللوان الهايلات اللي نستخدمها للتظليل لما ندرس <<< ههههه ان شاء الله فهمتوا
المهم ... استخدمتها و رسمت عده اشكال و خطوط
صوره لثاني صفحه ....
هالصفحه خذت أطول وقت بين الصفحات الثانيه بس حبيت النتيجه ......
اللي طالبينه في هالصفحه اني اكتب كلمه اكثر من مره ( تكرارها )
1 : طبعا اخترت كلمه future هي اول كلمه نطت في مخي فحبيت اني استخدمها
كررت الكلمه باللوان مختلفه عشان تعطي نتيجه حلوه
2 : بعدين خذيت ورقه حمره اللي تكون جهه لون وجهه ستكر او ( صمغ )
لانها اسهل :) قصيتها على شكل قلب و لصقتها
3 : بعدين طبعت الجمله اللي مكتوبه داخل القلب
to be an artist
وقصيتها و لصقتها داخل القلب
أتمنى فهمتوا ليش كتبت الجمله هذي هههه
كتبتها بمعني ان في المستقبل ابي أكون رسامه :)
4 : و اخر شي خذيت فصوص هالنوعيه يكون فيها صمغ مثل الستكلر
و وزعتها بشكل عشوائي
وتراا خصناا ههههه :))
صوره لثالث و اخر صفحه ...
في هالصفحه مطلوب منا ان نكتب التعليقات السلبيه
اوكي في سالفه لاختاري هالصوره و هالفكره بالذات
ما ادري اذا جفوا هالفيديو اللي اخذت فكرتي منه
أتوقع الكل جافه لانه انشهر
رابط الفيديو للي حاب يشوفه :) ..
المهم قصة الفيديو ان بنت بشرتها مو حلوه تعبانه فكانت تنزل صور لها بدون مكياج في وسائل التواصل الاجتماعي
فالناس قامت تكتب لها تعلقات سيئه و سلبيه
فتجهت للميك اب او المكياج و في نقس الوقت تلقت تعلقات سلبيه
بس رسالت الفيديو ان الانسان جميل مهما كان فيه و ان إرضاء الناس غاية لا تدرك ولازم مانخلي هذي النوع من التعليقات تحطمنا و توقفنا
فنطت هالفكره في مخي
1 : طبعت صوره هالبنت بدون كياج ولصقتها في وسط الصفحه
2 : بعدين خذيت أوراق ملونه قصيتها صغار و باحجام مختلفه
وكتبت فيها
from a hater : ugly / eww / horrible / & more
الترجمه : من كاره او حاقد : و بعض من التعليقات السلبيه اللي طرحتها في الفيديو وهالتعليقات كانت الناس تكتبها لها
3 : بعدين خذيت ورقه ملونه وقصيتها على شكل غيمه كتبت فيها :
actually you look beautiful
for you : her name
الترجمه : في الحقيقه انتي تبدين جميله لك .. اسمهاا
4 : و اخر شي خذيت نفس الفصوص اللي تكلمت عنها و استخدمتها في الصفحه اللي قبلها
بس بلون ثاني و وزعتها بشكل عشواعي
و طبعا ما انسى استهبالي في سناب هههههههه
بجذي أكون كملت هالموضوع معاكم
أتمنى ان الموضع عجبكم .. و القاكم في موضوع جديد ان شاء الله
لا تنسون تتابعوني في الانستقرام
@jannat200
No comments:
Post a Comment