الحلقه ال 2 من مسلسل wreck this journal :) ?!

 السلام عليكم 

اليوم موضوعنا مثل ما انتوا جايفين من العنوان الحلقه الثانيه من مسلسل wreck this journal

اللي حاس نفسه ضايع يرجع للموضع السابق موجود في المدونه 

من غير اي مقدمات طويله و رسميات 

نبتدي الموضوع .....

اول صفحه :

هالصفحه من احلى الصفحات اللي سويتهم 

المطلوب : press leaves and other found things

يعني ان احط في هالصفحه اوراق شجر و نباتات او اي اشياء ثانيه

بس انا اكتفيت باوراق الاشجار 

و طبعااااا ....

 لازم تكون في فكره لكل شي اسويه في كل صفحه  

الفكره : قبل لا ابتدي شغل في هالصفحه بيوم او يومين تقريبا كنت اطالع 

فلم من افلام studio ghibli

 ((ان شاء الله اذا قدرت راح اكتب موضوع عن هالشركه افلامهم كلها 

handmade drawing  ))

نرجع لموضوعنا ..... فمثل ماقلت كنت اطالع فلم اسمه Arrietty 

قصته حلوه و طالعته لان كان عندي فضول ان شلون بيكون شكله وكله رسم باليد 

فبعد ماجفت الفلم .... كانت الشخصيه الرئيسيه في الفلم تعيش و تختبئ تحت اوراق الاشجار

فحبيت اني اطبع صورتها وحولها اوراق و ورود 

وبعدين قصيتها ولصقتها في الكتاب ... :)

و في الصفحه  الثانيه لصقت النباتات 

لكن حتى النباتات فيهم فكره .. هههههه

لو تلاحظون ان في كل نبته او ورقه مكتوب تحتها شي 

شنو اللي مكتوب ؟؟؟

مكتوب تحت كل نبته انا من وين ماخذتها 

بعضهم ماخذتهم من البيت و بعضهم ماخذتهم من تركيا

(( سافرت تركيا و كنا نتنقل لكذا منطقه فكنت اخذ من كل منطقه نبته او ورقه شجر 

و اكتب تحتها من اي منطقه خذيتها ))

صور اقرب تبين قصدي :

الصفحه الثانيه :

المطلوب من هالصفحه :

color outside of the lines

يعني التلوين خارج الخطوط

اللي سويته بسيط  لونت بالالوان المائيه استخدمت لونين بنفسجي و ازرق 

وبعدها خذيت قلم جل ابيض و سويت نقط و نجوم وخطوط 

تبين ان هالصفحكه كانها فضاء و اللي في الوسط ( الدائره البيضه ) قمر 

خياللللل ههههههههههه :))))

الصفحه الثالثه :

في هالصفحه المطلوب :

close your eyes connect the dots from memory

يعني اني احفظ مكان النقط و اغمض عيني و اوصل النقط بعضهم ببعض

انا في هالصفحه طبعت صوره ل galaxy 

و لصقتها... انزين ليش مارسمت ؟؟

لان كنت ملونه في الصفحه اللي قبلها بالالوان المائيه فطبعت الالوان فكان شكلها مو حلو

فاضطريت اني اطبع و اللصق :(

صوره لشكل الصفحه و الالوان طابعه عليها :

المهم .... اكمل فكره هالصفحه :)

بعد مالصقت صوره الفضاء اللي طبعتها ... طبعت صور لكواكب بس بشكل غريب و كرتوني

و لصقتهم  و سويت المطلوب باني اغمض عيني و اوصل بين النقط او الكواكب .. هه 

(( طبعا الخط اللي سويته و انا مغمضه بالرصاص بعدها خذيت القلم الابيض و وصلت بينهم ))

اخر صفحه ( الصفحه الرابعه ) :

 ان شاء الله تكون اللوانها واضحه :)

المهم .... المطلوب :

scratch using a sharp object

يعني اني اشمخ ( اخدش ) ههههه هالصفحه بشي حاد

و الفكره :

بعد ما سويت المطلوب

خذيت ورقه بيضهه ولونت عليها بللوان المائيه بلون وردي و اخضر فاتح ولصقتها في الكتاب 

عشان لا تطبع اللوان في الصفحه الل تحتها 

وبعدين خذيت صوره كرتون للمثل johny depp

في فلم edward scissorhand

اتوقع الكل جاف الفلم ....الفلم حلوو و قصته ان جوهن ديب او ادوارد في الفلم 

اهوه رجل آلي  ( روبوت ) يعني مو انسان

ولكن البروفور او العالم اللي صنعه مات قبل لايكمل صنع يد الروبوت

فنطت الفكره في مخي ... طبعت صورته وحطيتها و كتبت صوبه :

sorry but the prof didn't  finish my hand 

 الترجمه : اسف لكن لبروفسون لم يكمل يدي

و تحت الصوره كتبت اسم الفلم و الممثل 

و بس و سلامتكم

قبل لا اختم موضوعي 

تابعوني في انستقرام :

jannat200

وطبعا ما انسى استهبالي في سناب ههههههههه

وبس مشكورين اتمنى ان الموضوع عجبكم و اي استفسار كتبوا تحت بالكومنتس❤️