اول شي و قبل كل شي ... شرايكم في ستايل و ثيم البلوق الجديد ؟؟
كتبوا لي تحت اي احلا القديم و لا الجديد :)
ندش في الموضوع .... الصوره او الرسمه اللي تشوفونها فوق اخر رسمه رسمتها و هالرسمه رسمتها لمسابقه
بس لحين ما اعلنوا النتايج
اول شي استخدمت الشبكه في هالرسمه عشان اضبط المقاسات
و بعدين بديت بالتظليل
1.
استخم قلم درجه : 2B
بشكل دائري على كامل الوجه و الرقبه
بعدين دعكته ( دمجته ) بالمداعك او البلندرز
بعد الطبقه الاولى اللي سويتها .... اعيد نفس الموضوع بس
بقلم درجته : 3B
2.
بعد ماحصلت على اللون اللي ابيه ابتدي اكون البشره
ان شاء الله راح احط طريقتي في تكوين البشره في موضوع
منفصل
منفصل
نكمل ....
بعد ماكونت البشره ابتدي ابين اماكن الظل و النور
اماكن الظل :
استخدمت بودرة الرصاص
اماكن النور:
استخدم المحايه العجينه و اطبطب بشكل خفيف على الاماكن
اللي ابي ابين فيها النور
المحايه العجينه ... الموجوده على جهة اليمين في الصوره
3.
استخدمت اقلام درجة :
4B + 5B + 6B
عشان ارسم الملامح
و قلم فحم عشان ارسم الاماكن الجدا غامقه مثل الحاجب
و رموش العين و اماكن الظل في الخشم و شوي في الشفايف
و غيرهاا
4.
عشان ارسم شعر الذقن و الشنب
استخدمت قلم درجه
4B للشعر الفاتح
قلم الفحم لمعظم الشعر عشان يكون وواضح و غامق
بعدها استخدمت محايه المونو عشان ارسم شعيات بيضه و عشان
تعطيني منظر طبيعي اكثر
محايه المونو الموجوده في الوسط اللي لونها سلفر ( رصاصي )
5.
بعدها عدت المرحله الثالثه و الرابعه في الرقبه
6.
ظللت التيشرت بشكل خفيف بس عشان ابرز اماكن الظل
و عشان تبينها حقيقه
ظللتها ببقايا الرصاص الموجوده على المدعكه او اللبلندر
وبسس
ان شاء الله استفتوا من الموضوع و ان شاء الله عجبكم
ترقبوا المواضيع الجديده اللي راح تنزل في الاسابيع القادمه
و مثل ماتعوتوا لازم اراويكم سناب هههه :
instagram : JANNAT200
No comments:
Post a Comment