draw a realistic human skin in 6 steps only !?

waHALLOha :)

السلام عليكم 

اعرف اعرف ... وايد طولت عليكم و من زمان مانزلت شي بس و الله مو مني انشغلت وايد مع المدرسه 

المهم .. ان اليوم رديت بموضوع اتوقع معظمكم راح يحبه

و انا  و عدتكم بهالبوست من فتره 

so , lets get started :)

1.

اخذ اكبر فرشه عندي و اتوقع جفتوا اني استخدمها في معظم بوستاتي

و اغمسها في بودرة الرصاص

و بعدها احب اني انزل كل اللي بالفرشه في مغطايه العلبه او صحن او اي شي 

ليش ؟؟

لان يعطيني القابليه في اني ابني لون الشره ... بدل ما ابتدري بلون غاق بشكل مباشر

بعدين بشكل خفيف اضرب الفرشه عشان اطلع الزايد منها 

و اظلل البشره بشكل خفيف و اعيد هذي الطريقه كذا مره لما اوصل للون اللي ابيه

2.

استخدم المحايه الالكتورونيه و اقعد بشكل دقيق انقط البشره كلها عشان تعطيني شكل المسامات الموجوده في البشره

لان مستحيل راح تحصلون بشره من غير ولا نقطه 

المهم ان في وايد رسامين و فنانين و مبدعين يستخدمون محياه المونو الضعيفه

و تطلع نتايج روعه حتى احلى من نتيجتي

بس انا لما استخدمها ماتنجح الطريقه عندي و ماتعطيني الافكت اللي انا ابيه

لكن لكل شخص طريقته .. انتوا جربوا الثنتين و جوفوا اللي يعجبكم 

 3.

اخذ الفرشه اللي استخدمتها في المرحله الاولى و اطبطب بشكل جدا خفيف عشان يخفف من بياض المسامات 

ويعطيني شكل حقيقي اكثر

4.

بعدين اخذ الفرشه الاصغر و اقعد اظلل الاماكن اللي تحتاج تغميق و اماكن الظل
(( استخدم بودره الفحم لما يكون الظل غاااامق لدرجة السواد)) 

5.

بعض الاماكن يكون الظل فيها غامق و ماخذ مساحه كبيره

بس يكون في هالمنطقه لمعه 

فعشان احصل على افكت اللمعه 

استخدم المحايه العجينه

و اطبطب في المكان اللي ابي انوره و اسوي اضائه فيه 

+

استخدم هالمحياه اللي في الصوره بالضبط ما اعرف شسمها 

انا كنت ادور على نوع معين من المحايات و شريتها لان كنت متوقعه ان هاي اهيا اللي ادور عليها بس اكتشفت انها مو اهيي اللي ابيها

لكن .. حصللت لها فايده استخدمها عشان تعطيني نور فاقع ابيض عجييييييبه

كلش ماتحسفت اني شريتها

6.

بعض المرات احتاج اني ازيد بعض المسامات فاعيد الحركه اللي سويتها في المرحله 2

و طبعا اعيد عليهم بالفرشه

يمكن تجوفون ان الطريقه جدا سهله بس تحتاج دقه

و صبر 

و بسسسس ان شاء الله عجبكم البوست و استفتوا منه و كان خفيف عليكم

اذا تبون طريقتي في رسم النمش و خطوط التجاعيد في البشره 

كتبوا لي تحت بالكومنت

و انتظروا الموضوع في البوست الياي

لا تنسون تتابعوني في instagram

jannat200