السلام عليكم
اول شي سوريي على عدم التزامي بالبلوق
و لاحظت مجموعه كبيره من الناس تدخل على البلوق كل جمعه
تنتظر الموضوع الجديد
و الله اني طرتتت من الفرحه لما جفت ان في ناس مهتمه لمواضيعي
حبيت ان هالموضع يكون
chit chat
و حبيت ان ابين لكم ليش انا بديت البلوق و شلون بديته
و شنو الهدف من وراه
طبعا انا بديت البلوق بعد ماسمعت دلال الدوب ( make up artist ) مدونه دلال : http://www.dalalid.com/
و هي تجاوب على بعض الاسئله و من بينها كان سؤال
شلون اقدر ان اسوي لي بلوق ( مدونه )
فجاوابها كان لازم تكونين مهتمه بشي ان يكون عندج موهبه
, شغف و اول مثال قالته كان الرسم
طبعا انا اول ماسمعتها تقول ان لو كنتي مهتمه و عندج موهبة رسم ممكن
انج تبتدين بمدونه
علقت الفكره ببالي و من غير ما افكر جفت نفسي
اسوي مدونه و انزل اول موضوع فيها
و اللي حبيته اني لقيت تشجيع و دعم جدا كبير من صديقاتي من اهلي
من كلمن جاف مدونتي و قرا مواضيعي
طبعا كان الموضوع بالنسبه لي غريب اول ماسمعت ان من الممكن اني اسوي
مدونه رسم
لان بصراحه اول مره اعرف ان في مدونات رسم !!
لما سوتيت سيرج في النت لقيت ان موجود عدد كبير من مدونات الرسم
ولكننن ... كانت للجانب
فصار عندي هدف اني اسوي بلوق رسم
افيدكم و افيد نفسي اطور مهاراتي و اطور مهاراتكم
اشجعكم و تشجعوني
ما اقدر اني اقول اني اول مدونه رسم عربيه
ولكن ماجفت اي مدونه تخص الرسم بالعربي لحد الان
فاحب ان اي احد يعرف مدونه رسم او صاحب مدونه رسم انه
يكتب لي تحت بالكومنت عشان اقدر اجوف ابداعكم و اشجعك
واخر شي احب اني اشكركم و اشكر كل شخص قرا موضوع من مواضيعي
و قدرت اني افيده بشي حتى لو واحد بالميه
كتبولي تحت بالكمنت افكاركم لمواضيع جديده عشان اقدر اني انزلها لكم
:) thank u so much for all your support ... i really appreciate it
No comments:
Post a Comment