waHALLOha :)
السلام عليكم
اليوم موضوعي بسيط و قصير
لكن راح تستفيدون منه رغم بساطته
بدايتا :
وايد رسامين يرسمون مسامات البشره بشكل
كبير و مو مناسب و لونهم يكون ابييض
و احنا دايما نجوف ان بشرتنا الطبيعيه
فيها مسامات و لكن حجمها جداااا صغير
و لونها مايكون وايد و افتح من لون بشرتنا
فالطريقه اللي بشرحها احين مو شرط
تتقيدون فيها
بس هذي هي طريقتي و حبيت اشاركها
معاكم
1.
اول شي اخذ هالمحايه الالكترونيه و اشغلها
( لما تشتغل راس المحايه يتحرك بشكل دائري )
و بعدين و اهيه تشتغل احركها على هالنوع من الورق الموجود في الصوره يكون خشن
( يستخدم لتنظيف المدعكه او البلندر )
لما احركها عليه
يصير راس المحايه مدبب
و لما استخدمها تعطيني نقط جداا صغيره
2.
بعدها اخذ الفرشه و احط فيها كميه قليله من البودره
( افضل بودره الرصاص ، لان لونها اخف من الفحم )
و امررها على النقط ( المسامات ) عشان اخفف من بياضهاا
+
اللي ماعندها بودره الرصاص
تستخدم مدعكه مستخدمه من قبل
و بشكل خفيف تمررها على المسامات
و بس انشاء الله حبيتوا الموضوع ❤️
Instagram: jannat200
No comments:
Post a Comment